牛頭角川滬菜＂小明珠＂

今日去牛頭角附近做啲嘢，做完嘢入去依間主打川滬菜嘅＂小明珠＂食嘢！ 小籠包 本身好鍾意食湯汁嘅食物，爆汁小籠包更加係MY飛佛，而且湯汁係唔可以浪費的，最鍾意喺頂咬開一啖，然後飲晒啲湯，一滴湯汁都唔浪費👀呢度嘅小籠包果然無令我失望，四隻小籠包係蒸籠入面排得整齊，每隻都份量十足，因此喺蒸籠嘅剩餘空間唔多～用筷子夾起小籠包隔住個皮都見到入面啲支琅琅吓咁😌咬開啲汁爆晒出嚟，肉餡亦夠鮮味，食得一隻就好想食第二隻～每日1:30-3:00仲有限定$10兩隻小籠包嘅優惠添～ 豆沙窩餅 係上海菜館必備嘅的豆沙窩餅，外皮炸到金黃脆口，薄餅皮包著甜而不膩嘅豆沙餡，熱辣辣切件即食好滋味，唔嗜甜嘅朋友都一塊塊塞入口中，值得推薦👍🏼 上海春卷 春卷餡料以椰菜絲為主，春卷熱辣脆口。配上甜酸喼汁，係好稱職嘅小食🙂‍↕ 涼伴魚皮 呢排天氣炎熱冇乜胃口，叫個涼伴魚皮就最好了😚以爽脆彈牙嘅魚皮配合秘製辣油，伴有蔥絲及花生粒，味道層次豐富～魚皮晶瑩剔透，唔太淋又唔太韌，口感剛剛好又好彈牙，係時候要同身邊嘅鍾意食辣嘅朋友一齊試下啦！ 重慶麻辣薯粉餐 (奉送豆漿一杯) 一碗好嘅麻辣薯粉真係唔簡單，湯底要好味，薯粉彈牙有咬口😆呢度嘅麻辣薯粉就滿足到我嘅喜好，首先佢哋用嘅係粗薯粉，薯粉韌度煮得恰到好處，令我味蕾就好似著魔一樣😂不停將薯粉吸入口中，鮮香過癮！重點係啲餸好足料💥我叫咗雞扒，炸雞扒外皮超脆，夾層雞肉夠厚，上到嚟嘅時候仲係冒煙，咬落去仲係「嚓」一聲，加埋酸辣汁好正！食完飲埋杯豆漿，瞬間清爽解辣！整體可以用“好有heart”嚟形容，食物質量上乘，價格合理，推介～ #上海菜 #小籠包 #觀塘 #hkig #香港好去處 #牛頭角 #春卷 #hkfood #hkfoodie #hkfoodblogger #食好西 #美食日記 #薯粉 #foodpics #hkfoodstagram #hkfoodlover #852food #美食好推薦 #涼伴魚皮 #小明珠 (此文章由U Blog 同步發佈至社群)